 |
| سمك شعرى |
 |
السمك نوعه شعرى الكميه اللى تحبيها طبعا وبنحتاج طبعا رده علشان الشوى |
 |
بنحط السمك على الرده (النخالة) ونضغط جامد جدا |
 |
ونقلبها فى الرده كويس ونضغط |
 |
بجيب الصاجه بتاعه الفرن وبحط علهيا فويل بالشكل ده او تحطيها فورا على الصاجه براحتك خالص.. برش شوية رده كمان من فوق خدو بالكم هو مرصوص بالعرض علشان يبقى مع نفس مستوى الشوايه |
 |
بشغل الشوايه وبحط الصاجة تحت خالص بالشكل ده وبروح اطبخ الارز بقا على بال مايخلص وعلى فكرة لازم تقلبيه على الوش التانى بعد فترة لما ياخد لون الشوى |
 |
بحط شوية زيت او سمن او زبده على مقدار الارز اللى هطبخه |
 |
بقلب الشعريه لحد ماتاخد اللون البنى |
 |
| إضافة تسمية توضيحية |
 |
واظبط المايه بتاعه الارز واحط الملح واقلبه كويس واغطى لحد ما ميته تتشرب اوطى النار |
 |
بحضر فلفل اخضر وتوم مفروم وملح وفلفل وكمون وليمون مقطع فى كنكه كبيرة كده او حله براحتك واسيبهم يغلو كويس جدا جدا علشان اسقى بيهم السمك |
 |
ده السمك لما خرج من الفرن |
 |
بسقى السمك بالخلطه اللى عملتها واقفله بالورق الفويل زى الصورة الجايه كده |
 |
بقفل السمك كويس كده ربع ساعه علشان لما تيجى يتقشر يبقى جميل وسهل |
 |
| دا الرز بعد الغرف |
 |
سمك شعرى وارز بالشعريه الف هنا وشفا :) |
المصدر..ستات بيوت قدها وقدود
Zeinab Ziad
.jpg)
.jpg)
0 Comments:
إرسال تعليق