أنا جبتلكم النهاردة طريقة عمل طاجن البامية باللحم الضاني
المقادير:
نصف كيلو بامية رومى اوى بلدى او كيس بامية مجمدة
( اللي انتي عايزاه )
4 حبات طماطم
( اعمليهم عصير طماطم )
ملح
فلفل اسود
ثوم
بصلة مفرومة
معلقة كبيرة سمنة
نصف كيلو لحم ضانى
الطريقة
طبعا انا سلقت اللحمه عادى وخليت الشوربه بتاعتها عشان اعمل بيها الباميه
اول حاجه هنعملها
هنفرم البصل وميبقاش ناعم اوى يعنى تكون بصلايه متوسطه كده ونحطه فى الحله وعليه حبة زيت وقد معلقه كبيره كده سمنه
واللحمه المسلوقه دى هناخد منها كام قطعه ونحمرها مع البصل فى الزيت والسمنه
وبعدها اول مايغمق لون البصل ويتحمر
نكون عاملين عصير طماطم فى الخلاط حوالى اربع طمطمات
متوسطين كده يكونو مضروبين بشوية مايه فى الخلاط
ونضيفهم على البصل بعد تحميره
تمام كده
اول بقى ماتتسبك كويس نحط الباميه وعليها حبة شوربه على حسب ماانتى عايزه
ونكون داقين 3 فصوص توم وقبل مانحط ملح ندوق الشوربه الاول عشان طبيعى هيكون فيها ملح عشان منحطش زياده
وندق التوم مع الفلفل وقليل من الملح ونحطهم على الباميه ونسيبها تغلى لحد ماتستوى
وبكده تبقى جاهزه على التقديم
ودي شكل طاجن البامية
بعد ما اتحضر
.jpg)
.jpg)
.jpg)
0 Comments:
إرسال تعليق