بالصور ترتيب دواليب المطبخ..رائع

طبعا انا اخذتلي كروانه كبيره وحطيت فيها مويه دااااافيه وكلوركس وعندي من فلاين ابو الشباب قديمه ...
ابكلمكم بالعاميه احسن وياويل الي تضحك على كلمة كروانه تريني اشوفك ههههههههههه
واغرقها بالماء والكلوركس بعدها اعصرها وامسح في ذا الواليب وبعدين اغسلها تحت المويه وارجع اغرقها واعصرها وامسح وعلى هالموال ...
وترو الفلاين حقت الرياجيل مافي احسن منها انا دايما احتفظ بالتالفه للتنضيف لأنه عليها مسح مو طبيعي ...
بس لاتروحين تاخذينها وهي جديده بعدين يدعون عليه ازواجكم خليها لييييين يخلص ضمانها ثم استخدميها ههههههه ...
بسم الله نبدا والصور تحكيلكم احسن مني ...
هذا الدولاب بعد مافضيته ومسحته ...




وهذي الأغراض كنت مطلعتها برا وقلبي كان يدق لاينكسر شي ...




وهذا الدولاب بعد الترتيب ...
طبعا طقم فناجيل الشاهي كنت حاطته ومرتبته في الأدراج السحابه بس حسيتها ثقيله عليها فقلت احطها بالدولاب الكبير احسن واجمل لين اشتري طقم سفره من الميلامين لأنه الي عندي قزاز ...
طبعا هالدولاب خليت اخوي يصوره خفت لايبان انعكاس صورتي بالصحون >>>> ذكيه + خواااافه ههههه
وهذي كم صوره له ...
طبعا يابنات انا فرشته هو ماكان مفرش ...






وهذا الدولاب من بعيد ...

الدرج الأول الصواني الكبيره 
الدرج الثاني طقم السفره من القزاز جاني هديه من بنت عمي وزوجها ولد عمي بعد هههههه بعد زواجنا انا وولد عمي معقده المسأله ادري ...
الدرج الثالث صحون وطقم فنجيل القهوه والشاي وتوابعها ...

هذا دولاب الحافضات البلاستك والمصافي والكروانات وبعض الأشياء ...
طلعت كل مافيه ورتبته وراح تلاحضون كراتين اثنين كبار واحد فوق وواحد تحت >>>
الي فوق حاطه فيه الحافضات الصغيره عشان ماتتنثر في الدولاب وتكون مرتبه ...
والي تحت حاطه فيها صحون دائريه والمستطيله وطبعا هذي الكراتين راح تكون بشكل مؤقت لين اشتري سلات طويله 
وارتبها فيها اجمل واحلا وهذي الفكره من راسي هديه لكم ...
طبعا هذي مو بس الحافضات انا حافضاتي كثيره وموزعتها في كل مكان مليانه اغراض اموت فيها كلما نزلت السوق ماشتري الا هي ههههههه ...









طبعا هذا دولاب الدلال والثلاجات تبع القهوه والشاي ...
اول شئ مسحت الدولاب بكلوركس + ماء دافئ + شوية فيري بعدها نشفته بمنشفه ناشفه ...
ورتبت الدلال والبراريد فوق لأنه ماتستخدم الا وقت العزايم وحطيت بالنص مبخرة العزايم لأنه عندي غيرها للبيت ...
وزيادة خير عطتها منضر حلو ههههههههه
وتحت حطيت ثلاجات القهوه والشاي او ترامس زي مايقولون عنها ورتبتها بهالطريقه الي ماستخدمها بكثره حطيتها ورا ...
والي استخدمها بأستمرار حطيتها قريب مني للأستخدام ...

هذا حبيباتي دولاب البراريد العاديه وحقات القهوه التركيه وبعض الجيوك عندي مسحته ونضفته بعدها رتبته ...
وطبعا راح تشوفون الجيوك تبع عصيرات المراعي انا احب احتفض بكم واحد منها عشان استخدمها بكثره ...
احيانا اعبيه عصيرات انا اسويها في البيت واحطها بالثلاجه لأنه غطاها كويس ومايخلي العصير يخرب مثل الجيوك العاديه ...
وكمان اخذها لارحت لعزايم عائليه اكون معبيتها عصير وبدل ماروح متحمله مواعين نستخدمها ونرميها على طول >>>>>> ام الأفكــــــــــار ماتضيع شي (:

هذا الدولاب فاضي عندي مافيه الا طقم فخاري مع اكوابه وحافضات هديه من اندومي ...
مسحته ونضفته مثل الدواليب الباقيه ...
ان شاء الله راح احط فيه طقم الميلامين اذا شريته ...

هذا دولاب الكاسات والجيوك الزينه >>>> للمناسبات فقط او الرومنسيات مع ابو الشباب هههههه
نضفته بالكلوركس ورجعت رتبته زي مانتم شايفين ...
طبعا هذا الدولاب كنت حاطه فيه البايركسات تبع الحلا والمواعين القزاز الشفافه بس حبيت اغير 


هذا الدولاب كان مافيه شي فعبيته حافضات مليانه بكل شي من بهارات وبقوليات وبعض الأشياء بس لاتدققون ههههه ...
انا حاطه في بالي حافضات من ايكيا راح اشتريها بدل الي موجوده وهي اصلا من ايكيا الي غطاها اخضر شفتوها واخليها سطور يعني حافضات طويله قدامها وسط والوسط قدامه صغير ...
يعني يصير شكله مثل الدرج ان شاء الله فهمتو علي بس ههههههههههه

هذا دولاب القدور طبعا ماكان فيه مفرش فلاحضت انه صار مبقع بللون فضي من القدور فحطيت له بعد مانضفته قصدير ولزقته بشطرطون من الجوانب...
ياويل الي تضحك علي زي زوجي لأنه بعد ماشتريت له مفرش فأستغليت القصدير وتصدقون انه صار منور من جوه لما افتحه لأنه يعكس الأضاءه ها لاتضحكون ترا اشوفكم >>>>>> هههههههههههههه
والي يسأل المفارش الي حاطتها بالدواليب من فين تلاقينها بكل مكان وبكل سوق او مجمع على قفا من يشيل هههه
هذا الدولاب بعد ماحطيت فيه القدور وكلها كم قدر لأنه الباقي فوق الفرن وكنت اسوي كشري يم يم يم يعني طلعت كل قدوري هههههههههههه ...