الفراخ الناجتس بالصور

 الناجتس كل الاطفال بتموت فيها وبنشتريها من برة غالية اوووي
يعني 400 جرام ب18 ج 
ولو من ماكدونلز هيبقي الاربع قطع ب16 ج
يعني لو عملناها في البيت هتبقي ارخص وانضف وهتبقي احلي ميت مرة من اللي برة
يلا ندخل بقي علي الناجتس للشيف الجميل الشيف يسري

المقادير

750 جم صدور دجاج 
3معلقة بصل باودر
2معلقة ثوم باودر
2معلقة نشا 
معلقة بهارات دجاج
كوب دقيق
2بيض
1/2 كوب لبن
2كوب قلب توست محمص ومطحون او ممكن استبدال التوست بالفينو (يعني بقسماط مطحون)
1/2 كوب كورن فليكس مطحون



دة المقادير بتاعتنا 
دة اللفراخ وعلي فكرة دة بواقي من الصدور عشان انا بجيب الصدور علي بعضها واقطع منها البانية واللي بيتبقي بقطعة للشورما او لكفتة الفراخ
دة تقريبا 1/2 كيلو


باقي المقادير (اللبن +البيض+بهارات الفراخ+ثوم باودر+بصل باودر)



دة بقسماط مطحون+كورن فليكس مطحون



دة صورة تزكارية لكل المقادير مع بعض
ههههههههههههههههه



هنا حطيت كل المقادير مع بعض ماعدا 1/2 معلقة من الثوم الباودر+1/2 معلقة من البصل الباودر

يعني حطيت (الفراخ +معلقتين ونصف توم باودر+معلقتين ونصف بصل باودر+النشا+بهارات الفراخ )




وهنا بعد ما اتفرمت بقت بالشكل دة



ودة كمان صورة عشان الحبايب



هنجيب بلاستك فيلم اللي مش عندة كيس بلاستك عادي جدا



هنفردة في صانية بالشكل دة




هنفرد خليط الفراخ المفروم بارتفاع 1/2 سم بالشكل دة 
ثم نقفل الصانية بورق البلاستك تاني ونسيبها في الفرريز 1/2 ساعة





نجيب بقي قطاعات اشكال 
هفطسكم من الضحك عاريفن القطاعات دة منين 
دة ياستي اللي مع الصلصال اخدتهم من الواد يوسف ابني 
هتلاقيهم في اي محل ب2.5 او في المكتبة 




قطعتهم بالقطاعات بالشكل دة



صورة كمان للحبايب
هههههههههههه




نيجي بقي للخليط بتاعنا 
البيض علية فلفل اسمر واللبن
الدقيق علية 1/2 معلقة الثوم الباودر والبصل الباودر فاكرينهم اللي سبناهم فوق
والبقسماط علي الكورن فليكس




هناخد شكل شكل ونخلي بالنا براحة خالص نحطها في البيض واللبن ثم الدقيق ثم البيض واللبن ثم في البقسماط علي الكورن فليكس

بقي بالشكل دة




بعد ما حمرتها في زيت غزير 
طلعت بالشكل دة




صورة كمان 



ودة طبق الواد يوسف مع شوية بطاطس شيبسي




يارب الوصفة تعجبكم وتعجب اولادكم وربنا يفتح نفسهم علي الاكل 
قولوا امين 
اترككم في رعاية الله
source: http://forums.fatakat.com/thread3270057