الأربعاء، 3 أبريل 2013

طريقة روعه لتخزين الثوم جاهز للطبخ من السنة للسنة



انا بوفر واجيب 5 كيلو اول ما الثوم يطلع بعمل في ايه بقى عندي مفرمة بالكهربا زي المفرمة اليدوي بتاعة زمان بس كهربا ومش بخزنه في برطمانات لأ انا بجيبه وافرمه واكيسه بقطع الراس كلها بقشرها بعد ما انظفها من الطين والقشر اللي ناشف اللي برة مع جزء صغير من الزر الاخضر 

ازاي اكيسه بجيب الأكياس بتاعة السندوتشات واقطعها زي ما بقطع ورق الكرمب بس اكبر شوية علشان اعرف الفه وفي كل واحدة احط الكمية اللي بستعملها في الطبخة او الملوخية يعني معلقة كبيرة ماليانة والفها زي المحشي وعندي علبة بلاستيك كبيرة بغطا وارصه في الحلة البلاستيك زي حلة المحشي ولما اخلص كله اغطيه وعلى الفريزر ومن السنة للسنة هما الخمسة كيلو مش بعمل غيرهم وبيفضل طول السنة زي مايكون لسة عاملاة هو انا هفضل طول السنة تقشير ودق ثوم كده بتعب يوم وراحة طول السنة.


بعمل لماما واختي وحماتي ومرات اخويا والله بيبقى جميل وراحة طول السنة

Related Posts Plugin for WordPress, Blogger...

http://setbeet.blogspot.com/

 

مجلة حواء..ست بيت Copyright © 2009 LKart Theme is Designed by Lasantha