سر من اسرار تتبيل اللحوم...رائع لايفوتكم

السلام عليكم ورحمة الله وبركاته

اخواتي الحبيبات وحشتونييييييييييييييييييييييييييييي

بحبكم اوي وكل اخت حبيبة قالت كلمة طيبة ودعوة صادقة جزاكم الله كل الخير و زيادة و فرحتي ان الملك يقول ولك بمثل اكتر من فرحتي بالدعوة نفسها ربنا يجمعنا كلنا في الجنة

يالا ع الفكرة بتاعة النهاردة

سر من اسرار تتبيلة الديك الرومي او دكر البط المربرب او الطيور كبيرة الحجم


السر ده قالته واحدة من المتصلات باسامة السيد ان كانت جدتها التركية بتتبل بيه الديك الرومي فبيستوي اسرع وبيكون طعمه رااااائع واسامة السيد جرب الطريقة وعجبته وقال للناس عليها وانا كمان جربتها رهيبة

شوقتكم ....... صح ؟؟؟؟؟؟؟؟؟؟؟؟؟؟

طب يالا بينا على الوصفة

الموضوع ببساطة ان الطيورالي حجمها كبير مهما اتنقعت في التتبيلة ما بتتشربش منها كفاية .....

الست بقى كانت بتعمل ايه بتشتري سرينجة من الصيدلية المشهورة بتاعة الحقن دي بس هاتي حجم كبير شوية

ما تقوليش صعبة !!!!!!! انا قولت كدة بس لما جربت النتيجة الخيالية بقت رقم واحد عندي في التتبيل

المهم اشتريتي السرينجة

هاتي بقى بصلتين حلوين وابشريهم او اضربيهم في الكبة وبعدين اعصريهم وخدي المية بتاعتهم بس وضيفي ليها شوية بهارات ناعمة

حطي مية البصل والبهارات في السيرنجة واحقني بيها الديك الرومي او البط او حتى لو فرخة حجمها كبير وبعدين حطي لها بقى التتبيلة عادي من برة ومن تحت الجلد ومن داخل البطن وسيبيها ساعة وبعدين سويها بالطريقة العادية وكملي في الفرن وياسلام يمي يمي يمي

شوفي بتستوي بسرعة وبتطلع لذيذة جداجداجدا لانها تشربت من التتبيلة ودخلت في انسجتها الداخلية يعني تشبعت من التتبيلة تمام

انا مرة عملت عزومة الناس قالو مستحيل يكون الطيور دي معمولة في البيت !!!!!!!!!!

جربوها وان شاء الله تعتمدوها زي انا واسامة السيد




بحبكم في الله عشان الجنة كله يهووووووووووووووون