احتفلي بعيد الحب مع مكعبات الشيكولاتة

 هنقدم لكم وصفات مميزة لعيد الحب، النهارده هنعمل مكعبات الشيكولاتة بالكاكاو، وصفة جديدة وبسيطة وكمان مش هتاخد وقت، ممكن تغلفي مكعبات الشيكولاتة بالسيلوفان وتقدميها كهدية من عمايل إيديكي..

مكعبات الشيكولاتة بالكاكاو
المقادير:
2 لوح شيكولاتة مقطعين لقطع صغيرة
½ كوب كريمة
½ كوب كاكاو

الطريقة:
1- اغلي الكريمة على النار، وبعد كده ضيفيها للشيكولاتة واخلطيهم كويس لحد ما يبقى الخليط متجانس.

2- لفي الخليط في كيس بلاستيك وحطيه في الفريزر لمدة ساعة أو أكتر، بعد كده طلعي الشيكولاتة من الفريزر وقطّعيها لمكعبات كبيرة وغطيها بالكاكاو وقدميها.. وبالهنا والشفا.