لفائف الفراخ المحشية بالريحان والجبنة الرومي

لفائف الفراخ المحشية بالريحان والجبنة الرومي


المقادير:
½ كيلو صدور فراخ 
½ ملعقة صغيرة حبهان مطحون
ملعقة صغيرة بهارات فراخ (هتلاقيها عند العطار)
¼ كيلو جبنة رومي مبشورة
كوب ريحان طازج مفروم
ملعقة صغيرة كركم
1/ 3 كوب زيت
2 بصلة مفرومة
عصير ليمونة
فصين ثوم
ملح وفلفل

الطريقة:
1- دقّي شرائح الفراخ بالمطرقة الخشبية كويس علشان تبقى رقيقة ومفرودة، وبعد كده تبّليها بالملح والفلفل والبهارات والحبهان والكركم والبصل والثوم وعصير الليمون، وسيبيها في الثلاجة لمدة 3 ساعات على الأقل؛ علشان تتشرّب كويس من الخليط.

2- اخلطي الريحان المفروم مع الجبنة الرومي، وبعد كده افردي شرائح الفراخ، وحطّي فوق كل شريحة مقدار من خليط الرحيان والجبنة الرومي، وبعد كده لفّيها كويس، واقفليها باستخدام العصيان الخشبية الرفيعة.

3- سخّني الزيت على النار، وشوّحي فيه قطع الفراخ، وبعد كده حطّيها في صينية، ودخّليها الفرن على درجة حرارة متوسطة، وسيبيها لمدة نصف ساعة أو لغاية ما الفراخ تتحمر وتستوي، وبعد كده قدّميها مع سلطة خضراء.. وبالهنا والشفا.